Një familje nga fshatrat e Strugës po përballet me një realitet shumë të vështirë. Kryefamiljari punon me rrogë minimale, mban i vetëm familjen, pa makinë, pa kushte, vetëm me përpjekje të përditshme. Bashkëshortja është e papunë, ndërsa tre fëmijë të mitur varen nga kjo shtëpi e vogël, por plot shqetësime. Sot, kjo familje rrezikon të mbetet pa energji elektrike, sepse nuk kanë mundësi të shlyejnë faturën e EVN-së. Për ta, drita nuk është luks — është siguri për fëmijët.

Në këtë shtëpi jeton një familje me tre fëmijë të vegjël, të moshës 6, 4 dhe 3 vjeç. Një familje që çdo ditë përpiqet të qëndrojë në këmbë, pavarësisht vështirësive. Kryefamiljari punon punë të ndryshme, çfarëdo që i del përpara, vetëm që të sigurojë bukën e gojës për fëmijët e tij. Bashkëshortja qëndron në shtëpi dhe kujdeset për fëmijët, pa mundësi për të punuar, sepse ata kanë nevojë të vazhdueshme për praninë e saj. Sot, kjo familje ka nevojë për ndihmën tonë për pagesën e faturës së rrymës. Drita për ta nuk është luks — është ngrohtësi, siguri dhe qetësi për fëmijët. Çdo kontribut, sado i vogël, ndihmon që kjo familje të mos mbetet në errësirë.

Shoqata Humanitare Bamirësit Struganë ju drejtohet me një thirrje humanitare për B.B. nga fshati Dollogozhdë, baba i dy fëmijëve, i cili për shkak të gjendjes së tij shëndetësore (I802 – tromboflebit i thellë në gjymtyrët e poshtme) nuk është në gjendje të punojë dhe të sigurojë kushtet bazë për familjen. Fatura e energjisë elektrike është një barrë e papërballueshme për të. Ftojmë çdo person me mundësi që të kontribuojë në pagesën e kësaj fature, duke u bërë shkak që kjo familje të mos mbetet pa një nevojë jetike. Çdo ndihmë, sado e vogël, bën dallim të madh

Jetojmë dy familje në një orë rryme. Njëri kryefamiljar ka 3 fëmijë, është person me aftësi të kufizuara, ndërsa bashkëshortja ka probleme shëndetësore. Vëllai tjetër ka 3 fëmijë dhe është i vetmi që punon, me pagë minimale. Gjithsej 11 anëtarë, realisht të pamundur për t’i mbuluar shpenzimet bazë. Shoqata jonë, që nga themelimi, ka qenë shtylla kryesore mbështetëse e kësaj familjeje.

Bëhet fjalë për një familje të vogël: një nënë P.F. dhe djali i saj 13-vjeçar, të cilët po përballen me vështirësi të mëdha jetese. Pas ndarjes nga jeta të bashkëshortit, kjo nënë ka mbetur e vetme në përkujdesje për djalin e saj, duke mbijetuar vetëm falë ndihmave sociale. Për shkak të zhvillimeve intelektuale, ata nuk janë në gjendje të punojnë dhe çdo ditë përballen me sfida për të siguruar gjërat më bazike të jetës. Kjo nënë ka një nevojë urgjente — pagesën e energjisë elektrike, që të mos mbeten në errësirë në këto ditë dimri. Le të jemi ne ato që do të ngrohim këtë familje nevojtare