Një grua 37-vjeçare, e prekur nga një gjendje e rëndë shëndetësore psikike, është e paaftë për punë dhe jeton në kushte të vështira, pa mundësi për të përballuar shpenzimet bazë. Shoqata Humanitare “Bamirësit Struganë” ka marrë përsipër shlyerjen e faturave të rrymës, që kjo grua të mos mbetet pa energji elektrike dhe pa dinjitet në jetën e përditshme. I bëjmë thirrje kujtdo që ka mundësi, të ndihmojë në pagesën e këtyre faturave. Çdo kontribut, sado i vogël, është një dritë shprese për të. Së bashku mund ta lehtësojmë barrën e saj dhe t’i tregojmë se nuk është vetëm.

Bëhet fjalë për një pensionist që mbijeton me një pension minimal prej rreth 60 euro në muaj, si dhe me ndihmën sociale prej rreth 6.000 denarësh, të cilat i shfrytëzon bashkëshortja. Me këto të ardhura të pakta, familja përpiqet të përballojë jetesën e përditshme dhe njëkohësisht të kujdeset për djalin e tyre, i cili është i sëmurë, i paaftë për punë dhe me një diagnozë të rëndë. Edhe pse faturat e energjisë elektrike janë minimale, ato përbëjnë një barrë të madhe për familjen.

R.S. eshte e moshuar, pensionere nga Struga po përballet me vështirësi ekonomike dhe jeton me të ardhura minimale, vetëm nga pensioni i bashkëshortit të ndjerë. Edhe pse mundohet të kursejë maksimalisht dhe ta shpenzojë energjinë elektrike me shumë kujdes, pagesa e faturës së EVN-së përsëri mbetet e vështirë për t’u përballuar. Fatura nuk është e madhe, por kur jeton me shumë pak të ardhura, edhe shuma më e vogël bëhet barrë. Le të tregojmë edhe një herë humanizmin dhe solidaritetin tonë. Çdo ndihmë ka vlerë.

Jetojnë dy familje në një orë rryme. Njëri kryefamiljar ka 3 fëmijë, është person me aftësi të kufizuara, ndërsa bashkëshortja ka probleme shëndetësore. Vëllai tjetër ka 3 fëmijë dhe është i vetmi që punon, me pagë minimale. Gjithsej 11 anëtarë, realisht të pamundur për t’i mbuluar shpenzimet bazë. Shoqata jonë, që nga themelimi, ka qenë shtylla kryesore mbështetëse e kësaj familjeje.

Shoqata Humanitare Bamirësit Struganë ju drejtohet me thirrjen humanitare për B.B. nga fshati Dollogozhdë, baba i dy fëmijëve, i cili për shkak të gjendjes së tij shëndetësore (I802 – tromboflebit i thellë në gjymtyrët e poshtme) nuk është në gjendje të punojë dhe të sigurojë kushtet bazë për familjen. Fatura e energjisë elektrike është një barrë e papërballueshme për të. Ftojmë çdo person me mundësi që të kontribuojë në pagesën e kësaj fature, duke u bërë shkak që kjo familje të mos mbetet pa një nevojë jetike. Çdo ndihmë, sado e vogël, bën dallim të madh

Një i moshuar nga Struga S.T. jeton me bashkëshorten vetëm me ndihma sociale prej 6500 denarësh në muaj. Me këto të ardhura minimale, pagesa e faturës së EVN-së është bërë shumë e vështirë për ta. Le të tregojmë humanizëm dhe solidaritet. Çdo ndihmë ka vlerë.

H.J., edhe pse në moshë të re, vuan nga sëmundje kronike dhe ka pasur intervenime të shumta të njëpasnjëshme, duke e bërë të pamundur për të të punojë. Për shkak të gjendjes së rënduar financiare, ai nuk ka mundësi të mbulojë faturat e mbetura të EVN-së. Çdo ndihmë është shumë e vlefshme.

E.A. nga një prej fshatrave të Strugës është baba i një vajze vetëm 2 muajshe. Ai punon çdo ditë për të siguruar jetesën e familjes së tij 3-anëtarëshe, por përballja me shpenzimet e përditshme është bërë shumë e vështirë. Me një pagë dhe me ndihmë minimale shtetërore prej rreth 6.000 denarësh në muaj, familja nuk ka mundësi të përballojë faturat e energjisë elektrike. Kushdo që dëshiron të ndihmojë në pagesën e faturave të rrymës për këtë familje, mund të na kontaktojë. Çdo ndihmë ka vlerë.