Ш.Џ., околу 60 години, живее сама и е неспособна за работа. Преживува само со социјална помош и неодамна се обрати до нашето здружение за помош во покривање на сметките за струја. Секој што има можност да помогне, секоја донација значи многу.

Станува збор за еден пензионер кој преживува со минимална пензија од околу 60 евра месечно, како и со социјална помош од околу 6.000 денари, која ја користи неговата сопруга. Со овие многу ограничени средства, семејството се бори да ги покрие секојдневните трошоци, додека истовремено се грижи за нивниот син, кој е сериозно болен, неспособен за работа и има тешка дијагноза. Иако сметките за електрична енергија се минимални, тие сепак претставуваат значителен товар за семејството.

Хуманитарното здружение Bamirësit Struganë ви се обраќа со хуманитарен апел за Б.Б. од село Дологожда, татко на две деца, кој поради својата здравствена состојба (I802 – длабок тромбофлебит на долните екстремитети) не е во можност да работи и да ги обезбеди основните услови за живот на своето семејство. Сметката за електрична енергија претставува неподнослив товар за него. Ги повикуваме сите кои се во можност да придонесат во подмирувањето на оваа сметка, за да помогнеме ова семејство да не остане без основна животна потреба. Секоја помош, без разлика колку е мала, прави голема разлика.

Eдна млада мајка, која сама се грижи за својот 10-годишен син, се соочува со финансиски потешкотии. Таа прави сè за нему ништо да не му недостига, но не е во можност да ја плати сметката за струја. Секој што има можност и желба може да помогне со подмирување на истата. Секоја помош е од големо значење. Ви благодариме!

Ве повикуваме заедно да покажеме човечност и солидарност кон едно тричлено семејство од нашата заедница. Семејството живее со минимални приходи, обезбедени од таткото, кој секојдневно се соочува со големи животни предизвици, обидувајќи се да работи и истовремено да се грижи за својата мала ќерка и за сопругата, која е со сериозно оштетен вид. Во моментов, семејството се соочува со итна потреба за подмирување на сметката за електрична енергија — товар кој во зимските месеци станува уште потежок. Со вашата поддршка, без разлика колку е мала, можеме да им помогнеме да ја олеснат оваа грижа и да внесеме малку топлина, светлина и надеж во нивниот дом.